UBT sjell mundësi të reja studimi dhe mobiliteti ndërkombëtar për maturantët e Ferizajt

04/04/2025

UBT vijon angazhimin e tij për të informuar dhe orientuar maturantët drejt një të ardhmeje akademike dhe profesionale të sigurt. Në kuadër të aktiviteteve të Qendrës së Karrierës, një sesion informues u mbajt në Shkollën e Mesme Teknike “Pjetër Bogdani” në Ferizaj, ku të pranishëm ishin Prof. Visar Krelani dhe Prof. Bekim Selimi, përfaqësues të Fakultetit të Inxhinierisë së Ndërtimit dhe Infrastrukturës në UBT.

Gjatë takimit, maturantët patën mundësinë të njihen nga afër me programet akademike që ofron UBT, bursat e shumta dhe mundësitë për mobilitet ndërkombëtar, duke përfshirë programin Erasmus+, i cili u mundëson studentëve të studiojnë në disa nga universitetet më prestigjioze të Evropës.

Përfaqësuesit e UBT-së ndanë informacione të detajuara mbi:

• Programet akademike të avancuara, të dizajnuara për të përgatitur profesionistë të aftë dhe të kërkuar në tregun e punës.
• Bursat dhe mbështetjen financiare, që u ofrojnë studentëve lehtësira për të ndjekur studimet e tyre pa barriera ekonomike.
• Përfshirjen në projekte praktike dhe mobilitet ndërkombëtar, që ndihmojnë studentët të fitojnë përvojë të vlefshme në universitetet evropiane dhe kompanitë lidere të industrisë.

Profesorët theksuan rëndësinë e arsimimit cilësor dhe perspektivat që UBT ofron për studentët e saj. “Inxhinieria e Ndërtimit dhe Infrastrukturës është një nga fushat me kërkesë të lartë në tregun e punës, dhe UBT është lider në përgatitjen e profesionistëve të aftë për të kontribuar në këtë sektor jetik”, u shpreh Prof. Visar Krelani.

Nga ana tjetër, Prof. Bekim Selimi nënvizoi se “UBT nuk ofron vetëm diploma, por një ekosistem të plotë zhvillimi për studentët, duke i lidhur ata me projekte reale dhe duke iu ofruar mundësi për të ndërtuar një karrierë të suksesshme qysh gjatë studimeve”.