![](https://www.ubt-uni.net/wp-content/uploads/2019/07/66465114_1270238086488529_7027269732726210560_n-768x514.jpg)
UBT nënshkruan marrëveshje bashkëpunimi me Eötvös Loránd University
10/07/2019Listës së gjerë të partnerëve ndërkombëtarë të UBT-së, i është shtuar edhe Eötvös Loránd University nga Hungaria, pas nënshkrimit të marrëveshjes nga rektorët e të dy institucioneve, prof.. dr. Edmond Hajrizi, përkatësisht prof.. dr. Laszlo Borhy.
Palët janë pajtuar që të lidhin këtë marrëveshje për të ngritur bashkëpunimin ndërinstitucional dhe për të zhvilluar shkëmbime kulturore dhe akademike në fushën e arsimit.
Me këtë rast, bashkëpunimi do të shtrihet në fushën e andragogjisë, pedagogjisë, psikologjisë, mënyra e jetesës dhe fitnesit, psikologji dhe arsim ndërkulturor, komunikim organizativ, arsimim dhe trajnim i mësuesve brenda fushës së arsimit, trajnim, kërkim dhe shërbime administrative për komunitetin.
E ky bashkëpunim parasheh edhe shkëmbim ndërmjet studentëve, stafit, hulumtuesve, fakulteteve, shkëmbimi i materialeve shkollore dhe pedagogjike dhe programe të përbashkëta studimi.
UBT ka mbi 300 partnerë ndërkombëtarë nga pothuajse të gjitha vendet e botës, me të cilët, që nga themelimi e deri më sot, ka realizuar një varg aktivitetesh të përbashkëta, prej të cilave më së shumti kanë përfituar stafi dhe studentët e UBT-së dhe të institucioneve partnere.