UBT në Dragash: Mundësi të shumta për maturantët me programet e avancuara dhe bursat Erasmus+

02/04/2025

Me një angazhim të palodhur për ofrimin e mundësive të shkëlqyera për të rinjtë, UBT vazhdon të hapë dyer për një të ardhme të sigurt dhe të suksesshme. Qendra e Karrierës në UBT organizoi një sesion informues për maturantët e Gjimnazit “Ruzhdi Berisha” në Dragash, duke i informuar ata për mundësitë e shkëlqyera që ofron për studime, bursa dhe mundësi mobiliteti ndërkombëtar.

Në këtë ngjarje, maturantët patën mundësinë të mësojnë për programet e avancuara dhe mundësitë që UBT ofron për të rinjtë, përfshirë bursat Erasmus+ për mobilitetet ndërkombëtare. Erasmus+ është një mundësi fantastike për studentët që duan të studiojnë në disa nga universitetet më prestigjioze të Evropës, dhe UBT është një nga institucione të cilat i ofron këto mundësi, duke u mundësuar studentëve të përfitojnë përvoja edukative dhe profesionale në shkolla dhe universitete të nivelit të lartë.

Pjesëmarrësit kishin mundësinë të informohen gjithashtu për kurset e avancuara që UBT ofron në fusha të ndryshme të studimit, si teknologji, inxhinieri, menaxhim dhe ekonomi, dhe mundësitë që ata ofrojnë për zhvillimin e aftësive profesionale dhe personale.