![](https://www.ubt-uni.net/wp-content/uploads/2018/05/DCIM2016111700000000000000000000001221-3-768x576.jpg)
UBT ndihmon kryeqytetin për implementimin e softuerit për vendimmarrje urbane
17/11/2016Institucioni lider në arsimin e lartë të Kosovës në sferën e Shkencave Kompjuterike dhe Sistemeve të Informacionit – UBT, është duke e ndihmuar Komunën e Prishtinës për implementimin e softuerit , i cili integron qytetarin në vendimmarrje urbane.
Për intervenime të përbashkëta urbane janë dakorduar të dy palët.
Profesorët nga Universiteti Teknologjik i Bratisllavës, Maros Finka e Vladimir Ondreicka, si dhe Dekani i Fakultetit të Arkitekturës dhe Planifikimit Hapësinor në UBT, Lulzim Beqiri, janë takuar me shefen e Departamentit të Arkitekturës, Nazife Krasniqi dhe me stafin e Drejtorisë së Urbanizmit në Prishtinë, për të shpalosur projektin, që studentet e UBT-së janë duke e zhvilluar për Prishtinën dhe për softuerin, që do të dhurohet nga UBT për komunën, përmes një memorandumi të bashkëpunimit.
Komuna e Prishtinës do të jetë pjesë e një komisioni të përzgjedhjes së intervenimeve të përgatitura nga studentët e Fakultetit të Arkitektures, ndërkohë që të gjitha punimet do të ekspozohen në vendet e intervenimit, në mënyrë që qytetarët të kenë mundësi të shohin ndryshimet.
Gjithashtu, përfaqësuesit e UBT-së, janë takuar edhe me eksperten nga USAID-i, Arlinda Rushaj – Sadiku, për krijimin e hartave zonale, për çfarë profesorët nga Sllovakia, Maros Finka e Vladimir Ondreicka, kanë përvojë shumë të mirë dhe së bashku me UBT-në do të kontribuojnë në hartimin e hartave zonale.
Gjithashtu, përfaqësuesit e UBT-së, janë takuar edhe me eksperten nga USAID-i, Arlinda Rushaj – Sadiku, për krijimin e hartave zonale, për çfarë profesorët nga Sllovakia, Maros Finka e Vladimir Ondreicka, kanë përvojë shumë të mirë dhe së bashku me UBT-në do të kontribuojnë në hartimin e hartave zonale.