UBT, institucioni më i kërkuar i arsimit të lartë në vend dhe rajon
18/08/2020Që nga dita e shpalljes së konkursit për aplikim, mijëra të rinj nga mbarë trojet shqiptare po marrim përgjigje për interesimet e tyre përmes bashkëbisedimit në rrjetet sociale, e-mailit apo sesioneve informuese online, e qindra të tjerë po informohen në kampuset dhe degët e UBT-së nëpër Kosovë.
Ata po informohen për institucionin i cili ka më së shumti numër të programeve të studimit, nga të gjitha institucionet e arsimit të lartë në vend dhe në rajon. Për më tepër, të gjitha këto programe ndikojnë që në UBT të mblidhen talentet e reja të vendit tonë, të cilët shumëfishojnë potencialin e tyre në teknologji, shkencë, biomjekësi, shkenca humane dhe biznes.
Që nga themelimi tash e gati 20 vite, UBT është bërë shtëpi akademike e mijëra studentëve, të cilët këtu kanë gjetur më shumë sesa thjesht një institucion studimi.
Në rrugëtimin e gjatë akademik, UBT nuk i ka braktisur asnjëherë studentët e vet, madje, raporti i shkëlqyeshëm me ish-studentët e dëshmon më së miri këtë fakt.
Nga orientimi profesional, ofrimi i këshillave profesionale dhe ligjërimit nga profesorët më të mirë vendorë e ndërkombëtarë, e deri tek përfundimi i suksesshëm i studimeve dhe gjetja e vendeve të punës, është rruga nëpër të cilën secili student e ish-student e ka pas UBT-në dhe stafin që e përbën institucionin.
Krahas cilësisë e interaktivitetit gjatë studimeve, kampuset e shumta dhe kushtet që ofrohen në to e bëjnë procesin e studimeve shumë më të lehtë dhe atraktiv për studentët.
UBT posedon kampusin në Prishtinë, Lipjan, Prizren, Ferizaj, Pejë dhe së fundmi edhe në Gjilan, dhe e tërë kjo, për të qenë sa më afër studentëve.
UBT ka rreth 500 marrëveshje bashkëpunimi me partnerë ndërkombëtarë dhe me universitete që krahëhapur i presin studentët tanë, duke i bërë të ndjehen të barabartë me studentët nga e mbarë bota, sepse edhe janë të tillë.
Deri më sot, qindra studentë të UBT-së kanë përfituar nga bursat dhe i kanë vazhduar studimet jashtë vendit, nëpër secilin kontinent të botës, kjo ngase diploma e UBT-së njihet dhe është e barasvlershme kudo.
Me UBT-në Kosova është përfaqësuar në shumë organizime dhe është pranuar në qindra organizata ndërkombëtare, ku politika nuk ka arritur të depërtojë dhe me UBT-në në vendin tonë kanë arritur të gjitha inovacionet botërore në hap të njëjtë me vendet e botës.
Falë tërë këtyre arritjeve, kushteve të ofruara, cilësisë së studimeve dhe mundësive për punësim e vazhdim të studimeve jashtë vendit, në çdo vit UBT pasurohet me mijëra studentë të rinj, të cilët bëhen vlerë e shtuar e vendit dhe e shoqërisë sonë.