UBT hap Festivalin e Fotografisë Digjitale: “Beyond the Lens: Stories Untold”

20/01/2025

Në Parkun Shkencor, Inovativ dhe Teknologjik të UBT-së, u organizua për herë të parë Festivali i Fotografisë Digjitale me titullin “Beyond the Lens: Stories Untold”. Ky event, i organizuar nga Fakulteti i Arteve dhe Mediave Digjitale në UBT, solli në qendër të vëmendjes fuqinë e fotografisë si medium për tregimin e historive të pathëna dhe eksplorimin e temave bashkëkohore.

Festivali mblodhi 50 studentë që prezantuan punimet e tyre kreative, duke eksperimentuar me narrativat që trajtonin çështje si identiteti, kujtesa, sfidat mjedisore dhe zërat e margjinalizuar. Të pajisur me teknologjitë më të avancuara në laboratorët e UBT-së, studentët shpalosën talentin dhe vizionin e tyre artistik përmes fotografive të fuqishme dhe inspiruese.

Ky aktivitet theksoi rëndësinë e kamerës si një dëshmitare e kohës sonë, duke kontribuar në zhvillimin e industrive kreative dhe ndarjen e historive që pasqyrojnë realitetet e ndryshme të shoqërisë sonë.