![](https://www.ubt-uni.net/wp-content/uploads/2018/05/380650_365059693545308_153583318026281_1078696_834396236_n-4.jpg)
UBT dhe Zyra e UNICEF-it realizojnë projekte të përbashkëta
23/04/2012
Prishtinë, 23 prill 2012 – Një varg nismash, kryesisht me karakter për të ndihmuar të rinjtë dhe për të krijuar kushte më të mira biznesi dhe jete për ta, janë pjesë e marrëveshjes mes UBT dhe Zyrës së UNICEF-it në Kosovë.
Marrëveshja e nënshkruar mes Presidentit të UBT-së, Prof. Dr. Edmond Hajrizi dhe zëvendësshefit të UNICEF-it, zyra në Kosovë, Luciani Calestini, më konkretisht parasheh aktivitetet për të forcuar dhe aftësuar kapacitetet e rinisë së Kosovës për zhvillimin e zgjidhjeve të problematikave aktuale, si aftësimin e të rinjve për të iniciuar investime në biznese aktuale të nevojshme lokale për një të ardhme më të mirë dhe të sigurt në të gjitha fushat e jetës.
Laboratori i UNICEF-it ka hulumtuar probleme nga më të ndryshmet për rininë dhe me fëmijët e Kosovës, ndërsa studentët dhe stafi i UBT-së po kontribuojnë në realizimin e projekteve të propozuara në vazhdimësi nga UNICEF-i.