UBT dhe Instituti ARKIV organizuan simpoziumin ndërkombëtar “Whispers of Resistance”
17/12/2024Në Parkun Shkencor Inovativ të UBT-së në Lipjan, u mbajt simpoziumi ndërkombëtar “Whispers of Resistance: Nature, Art, and Form”, i organizuar në bashkëpunim mes UBT-së dhe Institutit të Artit ARKIV të Sislej Xhafës.
Ky aktivitet mblodhi artistë, akademikë dhe profesionistë kulturorë nga vende të ndryshme, të cilët eksploruan lidhjet mes artit, natyrës dhe rezistencës përmes prezantimeve dhe diskutimeve inspiruese.
Në simpozium morën pjesë figura të njohura si: Rektori i UBT-së, Prof. Dr. Edmond Hajrizi, Andrea Cusumano, Igor Zupe, Marco Zanusso, Teresa Macri, Besim Turjaka, Violeta Lekutanoy, Yehuda Safran, Sislej Xhafa, Burim Berisha, Ariana Gjoni dhe shumë personalitete të tjera.
Ngjarja u realizua me kontributin e departamenteve të Artit dhe Medias Digjitale, Dizajnit të Integruar, Muzikës Moderne, Aktrimit dhe Arkitekturës, duke reflektuar për rolin e artit në ndryshimin shoqëror dhe ndërveprimin me natyrën.
Ky simpozium konfirmoi përkushtimin e UBT-së për të promovuar bashkëpunimin ndërkombëtar dhe artin si mjet transformues në shoqëri.
