![](https://www.ubt-uni.net/wp-content/uploads/2018/05/DCIM201719061736001-3-768x576.png)
Të martën, në UBT mbahet seminari i ekselencës Temat aktuale dhe në zhvillim në arsimin e lartë, ligjëron prof. dr Claire Gordon, nga LSE
19/06/2017Në Kampusin Inovativ të UBT-së, në Lipjan, nesër, më 20 qershor, do të mbahet seminari i ekselencës “Temat aktuale dhe në zhvillim në arsimin e lartë”, në të cilin do të ligjërojë profesoresha e London School of Economics and Political Science, prof. dr Claire Gordon.
Dr. Gordon do të flasë mbi temat aktuale dhe në zhvillim në arsimin e lartë, për futjen e pjesëmarrësve në pedagogjinë e hartimit të kurrikulës, duke përfshirë atë se si të zhvillohen të diplomuar aktivë, të angazhuar dhe të kualifikuar në shekullin XXI, e që janë gati për të hyrë në tregun e punës dhe për të kontribuar në shoqëri, për hulumtimin e qasjeve për sigurimin e cilësisë dhe përmirësimit të cilësisë në nivel kombëtar, institucional dhe lokal, si dhe do të paraqesë qasjen për zhvillimin e stafit akademik në LSE dhe në të gjithë Mbretërinë e Bashkuar.
Aktiviteti do të organizohet nga UBT, në kuadër të institutit IDEAA, teksa do të mbahet në sallën 209, duke filluar nga ora 09:00.