![](https://www.ubt-uni.net/wp-content/uploads/2018/05/DCIM2016120400000121100011-3-768x768.jpg)
Studentët e UBT-së u njoftuan për përpunimin e drithërave nga M&Sillosi
03/12/2016Studentët e vitit të parë të UBT-së të Fakultetit Shkencat e Ushqimit dhe Bioteknologji, kanë vizituar fabrikën për përpunimin e drithërave “M&Sillosi, Devolli Corporation“, në fshatin Xërxë të Rahovecit.
Vizita studimore u mundësua nga profesorët e UBT-së, Namik Durmishi dhe Gafurr Xhabiri, në kuadër të lëndës “Lënda e parë me origjinë bimore”, të mirëpritur edhe nga menaxhmenti i fabrikës.
Gjatë kësaj vizite, studentët u njohën nga afër me procesin e prodhimit dhe të përpunimit të drithërave, për mënyrën e shfrytëzimit të tyre, u njoftuan me menaxhmentin e fabrikës, ndarjen e punëve, pajisjet teknologjike, laboratorët, analizat që kryhen nga kjo kompani etj.
Fakulteti i Shkencave të Ushqimit dhe Bioteknologjisë në UBT është akredituar sivjet nga Agjencia Kosovare e Akreditimit, ndërsa ka grumbulluar një numër të madh studentësh, të interesuar për këtë fushë të re dhe shumë të kërkuar në Kosovë.