Studentët e Ndërtimtarisë realizojnë vizitë studimore tek objekti i 40-katëshit
24/06/2020Studentët e Fakultetit të Inxhinierisë së Ndërtimit në UBT, në kuadër të punës praktike kanë realizuar vizitë studimore tek ndërtesa 40-katëshe, me qëllim për të parë nga afër punimet që po kryhen nga Alba Group.
Studentët u shoqëruan nga profesorët dr.Muhamet Ahmeti dhe Gent Hasimja, ku u informuar lidhur me proceset e ndërtimit të objektit, duke filluar nga planifikimi, menaxhimi dhe ndërtimi i ndërtesës 40-katëshe.
Konkretisht studentët u informuan për betonimin, hidroizolimin, kallupimin, montimin e konstruksioneve të çelikut, si dhe procese tjera ndërtimore.
Interesimi i studentëve për të vizituar këtë ndërtesë ishte i madh, të cilët përmes pyetjeve të tyre përfituan njohuri dhe përvoja profesionale.
