Studentët e masterit në Media dhe Komunikim në UBT prezantojnë punimet për komunikimin ndërkulturor
16/01/2025Në kuadër të lëndës “Komunikimi Ndërkulturor”, studentët e nivelit master në programin Media dhe Komunikim në UBT prezantuan punimet dhe të gjeturat e tyre mbi tematika të rëndësishme që pasqyrojnë trashëgiminë dhe fenomenet kulturore shqiptare.
Punimet e studentëve trajtuan një gamë të gjerë çështjesh, duke përfshirë traditat e dasmave shqiptare në rajone të ndryshme, fenomenin e gjakmarrjes dhe ndikimin e tij në shoqërinë shqiptare, Kanunin e Lekë Dukagjinit, origjinën dhe rëndësinë e çiftelisë, si dhe tema të tjera që lidhen me identitetin dhe kulturën.
Nën udhëheqjen e profesorit, Dr. Votim Hanoli, studentët jo vetëm që eksploruan këto tema, por thelluan diskutimet për të nxjerrë në pah detajet e komunikimit ndërkulturor dhe rolin e tyre në mirëkuptimin dhe ndërlidhjen midis kulturave.
Ky angazhim akademik u dha mundësinë studentëve të kombinojnë njohuritë teorike me analizën praktike, duke kontribuar në thellimin e kuptimit të fenomeneve kulturore shqiptare dhe mënyrës se si ato ndikojnë komunikimin në kontekste të ndryshme.
UBT vazhdon të jetë kryeqendër për promovimin e edukimit cilësor dhe studimeve që pasqyrojnë vlerat kulturore dhe ndërkulturore.
