![](https://www.ubt-uni.net/wp-content/uploads/2018/12/48420579_216207402599202_8100310798452129792_n-768x576.jpg)
Studentët e Fakultetit Media dhe Komunikim vizituan RTV 21
21/12/2018Studentët e vitit të dytë të drejtimit Media dhe Komunikim në UBT, të enjten vizituan televizionin RTV 21, ku u pritën nga redaktori i portalit të RTV 21, Esad Dujaka.
Gjatë kësaj vizite ata u njoftuan me redaktorët e redaksive të ndryshme, me rrjedhën e punës, me historikun, sfidat, si dhe arritën të shohin nga afër ambientet e punës.
Ndërkaq, duke shkëmbyer përvoja dhe këshilla të frytshme me studentët, Dujaka ka shprehur kënaqësi të madhe që ishte në mesin e studentëve të UBT-së.
Kjo vizitë është vazhdim i një bashkëpunimi të frytshëm e tradicional ndërmjet RTV 21 dhe UBT-së që vazhdon me sukses tash e disa vite.
Vizitat studimore nëpër televizione dhe institucione të ndryshme vendore, po bëhen me qëllim të informimit dhe të vetëdijesimit të studentëve me mënyrën e punës, por edhe rëndësinë e profesionit të gazetarisë.