![](https://www.ubt-uni.net/wp-content/uploads/2019/01/49914745_2079047818800838_6635305983591579648_n-768x576.jpg)
Studentët e Fakultetit Media dhe Komunikim po përfundojnë punën praktike në UBT
09/01/2019Media Group i UBT-së, përveç që ka për qëllim që të promovojë sukseset e studentëve, po krijon hapësirë për studentët e Fakultetit Media dhe Komunikim të ushtrojnë pjesën praktike të profesionit që kanë zgjedhur, dhe kjo duke u bërë pjesë e redaksisë së Media Group-it të UBT-së.
Gjatë praktikës njëmujore, studentët po krijojnë idenë se si punohet brenda një redaksie. Ata kanë marrë njohuri shtesë për shkrimin e lajmeve, realizimin dhe editimin e fotografive, si dhe realizimin dhe montimin e videove.
Mundësinë për internship po e shfrytëzojnë studentët e të gjitha viteve, teksa të njëjtën po e shfrytëzojnë për të marrë hapat e parë në gazetari, në mënyrë që në të ardhmen ta gjejnë veten lehtësisht të përshtatshëm për tregun e punës.