![](https://www.ubt-uni.net/wp-content/uploads/2018/05/DCIM201620010000000122212221-4-768x512.jpg)
Rektori i UBT-së nderohet me mirënjohje nga YAHR
20/01/2017Rektori i UBT-së, prof. dr. Edmond Hajrizi për kontributin që ka dhënë në avancimin e arsimit të lartë në Kosovë është nderuar me mirënjohje nga Organizata joqeveritare “Asociacioni i Rinor për të Drejtat e Njeriut”.
Nga kjo organizatë UBT është vlerësuar si Institucioni më i mirë për vitit 2016, në nivelin e arsimit të lartë në Kosovë.
Drejtuesit e YAHR-it kanë konsideruar se në vitin e kaluar, UBT ka qenë kontribuuesi më i madh në avancimin dhe ngritjen e cilësisë së edukimit në vend.
“Kemi dashur që sado pak të tregojmë respektin tonë për punën e madhe të rektorit Hajrizi në avancimin e arsimit të lartë në Kosovë, mbi të gjitha, vlerësojmë lart përkrahjen e vazhdueshme të UBT-së ndaj studentëve, përmes bursave të ndryshme”, tha Bekim Krasniqi drejtues i YAHR.
Ai theksoi se UBT, falë punës dhe angazhimit të profesorit Hajrizi, është vlerësuar si Institucion më i mirë i Arsimit të Lartë në vend.
Duke e falënderuar YAHR-in për vlerësimin e punës së UBT-së, rektori Hajrizi tha se vlerësimi i kësaj organizate do të shërbejë si motiv për të punuar edhe më shumë në të ardhmen.
“Ndjehem shumë i respektuar nga nderimi që më bëni. UBT është munduar të sjellë një frymë të re të edukimit dhe arsimit në vend, prandaj vlerësimi i punës sonë është motivim për të vazhduar më tutje”. theksoi Hajrizi.
UBT është shpërblyer disa herë për punën dhe projektet e realizuara, me qëllim të përmirësimit të cilësisë së arsimit në Kosovë.