![](https://www.ubt-uni.net/wp-content/uploads/2018/05/DCIM201611090000000122311000000-3-768x512.jpg)
Rektori i UBT-së mban ligjëratë tematike për teknologjinë e informacionit, në Budapest
09/11/2016Rektori i UBT-së, prof.dr. Edmond Hajrizi, ka udhëtuar sot për në Hungari, i ftuar nga përfaqësuesit e Universitetit Corvinus të Budapestit.
Rektori Hajrizi, në Shkollën e njohur ndërkombëtare për Administrim Biznesi të këtij universiteti, është ftuar të mbajë një ligjëratë tematike për teknologjinë e informacionit në menaxhimin e zinxhirit të furnizimit.
Pos kësaj, rektori do të zhvillojë edhe takime të tjera të rëndësishme me përfaqësuesit e këtij universiteti.
Universiteti Corvinus i Budapestit, ku është ftuar rektori Hajrizi, është themeluar në vitin 1920, ndërsa njihet me traditë për fushën e kërkimeve shkencore. Aktualisht numëron 14.500 studentë. Do theksuar që UBT ka partneritet me 250 universitete ndërkombëtare.