![](https://www.ubt-uni.net/wp-content/uploads/2018/05/20171222_121439-2-768x432.jpg)
Rektori Hajrizi realizon vizitë pune në Universitetin e Kembrixhit
05/01/2018Rektori i UBT-së, prof. dr Edmond Hajrizi, ka realizuar vizitë pune në Universitetin e Kembrixhit, pjesë e të cilës ishte edhe UNDP, gjatë të cilës u bë diskutimi i modaliteteve për bashkëpunim ndërinstitucional me qëllim të ngritjes së kapaciteteve të auditorëve të performancës të Zyrës Kombëtare të Auditimit të Kosovës.
Për këtë qëllim, Hajrizi ishte pjesë e një punëtorie të përbashkët për harmonizimin dhe bashkërendimin e aktiviteteve që lidhen me ngritjen e kapaciteteve profesionale të auditorëve të performancës dhe të Auditorit Gjeneral të Kosovës, që do të pasohet me themelimin e një qendre të përbashkët për vlerësimin e kapaciteteve të auditorëve të performancës në Kosovë.
Për të ndihmuar në funksionalizim, UBT ka themeluar edhe qendrën e vet të titulluar Resilence and Sustainable Development Center.
Ky projekt është pikënisja e bashkëpunimit mes këtyre institucioneve, me qëllim të realizimit të projekteve të tjera të kësaj natyre, që kanë rëndësi të madhe për rritjen e nivelit të performancës të institucioneve të kyçe në Kosovë dhe më gjerë.