Qendra e Karrierës në UBT zhvillon sesion informues në Vushtrri

18/03/2025

UBT vazhdon angazhimin e tij për të orientuar të rinjtë drejt një karriere të suksesshme përmes informimit dhe mbështetjes profesionale. Në këtë kuadër, Qendra e Karrierës në UBT mbajti një sesion informues në Gjimnazin “Eqrem Çabej” në Vushtrri, ku maturantët u njohën nga afër me mundësitë e studimit dhe zhvillimit akademik që ofron UBT.

Gjatë këtij takimi, përfaqësuesit e UBT-së prezantuan programet e avancuara studimore, bursat dhe mundësitë e mobilitetit ndërkombëtar, përfshirë ato të ofruara nga Erasmus+, si dhe partneritetet me universitetet më të njohura evropiane. Një fokus i veçantë iu kushtua edhe praktikave profesionale dhe mundësive të punësimit, duke theksuar bashkëpunimin e ngushtë të UBT-së me kompani dhe institucione lidere në treg.

Ky sesion informues synoi t’u ofrojë maturantëve një pasqyrë të qartë mbi rrugët akademike dhe profesionale, duke i ndihmuar ata në procesin e marrjes së vendimeve për të ardhmen e tyre.

UBT mbetet i përkushtuar në krijimin e një mjedisi akademik cilësor dhe në ofrimin e mundësive konkrete për zhvillim dhe sukses profesional.