Qendra e Karrierës në UBT zhvillon sesion informues në Qendrën e Kompetencës në Prizren
24/03/2025UBT vazhdon përkushtimin e tij për të ndihmuar të rinjtë në orientimin e tyre akademik dhe profesional. Në këtë kuadër, Qendra e Karrierës mbajti një sesion informues në Qendrën e Kompetencës në Prizren, ku maturantët patën mundësinë të njihen më nga afër me ofertën akademike dhe mundësitë që ofron UBT.
Gjatë këtij sesioni, përfaqësuesit e UBT-së prezantuan programet e avancuara të studimit, bursat dhe mundësitë për mobilitet ndërkombëtar përmes Erasmus+ dhe partneriteteve me universitetet më të njohura evropiane. Po ashtu, u diskutua mbi rëndësinë e praktikave profesionale dhe mundësive të punësimit, si rezultat i bashkëpunimeve të shumta të UBT-së me kompani dhe institucione të ndryshme.
Ky sesion kishte për qëllim të ofronte një pasqyrë të qartë mbi rrugët e mundshme të zhvillimit akademik dhe profesional për maturantët, duke i ndihmuar ata të marrin vendime të informuara për të ardhmen e tyre.
UBT mbetet i përkushtuar për të krijuar një mjedis akademik cilësor dhe për të siguruar mundësi konkrete për zhvillim dhe sukses profesional për studentët e tij.
