Publikohet numri i ri i gazetës “UBT News”

09/01/2025

Gazeta e re “UBT News”, e përgatitur nga stafi i Mediave dhe Marketingut dhe studentët e Fakultetit Media dhe Komunikim në UBT, sjell një pasqyrë gjithëpërfshirëse të arritjeve dhe aktiviteteve të institucionit gjatë vitit 2024.

Në këtë botim të veçantë, janë përmbledhur të gjitha sukseset kryesore të UBT-së, duke përfshirë: rangimet e larta në arenën ndërkombëtare, bashkëpunimet strategjike me universitetet më të mira në botë, si dhe angazhimin e profesorëve dhe studentëve në projekte inovative dhe aktivitete të ndryshme akademike.

Ndër përmbajtjet ekskluzive, lexuesit do të kenë mundësi të ndjekin intervistën e posaçme me rektorin e UBT-së, Prof. Dr. Edmond Hajrizi. Në këtë intervistë, Rektori Hajrizi ndan detaje mbi sukseset e vitit që lamë pas dhe vizionin strategjik të institucionit për vitin 2025.

“UBT News” është dëshmi e përkushtimit të UBT-së për të qenë një lider në arsimin e lartë dhe për të kontribuar në zhvillimin e shoqërisë përmes edukimit, kërkimit dhe inovacionit.

Mos e humbisni mundësinë për të lexuar këtë numër të veçantë, i cili sjell të gjitha arritjet dhe momentet kyçe të UBT-së gjatë vitit 2024.