![](https://www.ubt-uni.net/wp-content/uploads/2018/07/9-Medium-5-768x432.jpg)
Përmbyllet ANV-ja e EBFS-së dhe hapet ajo e Ndërmarrësisë dhe Inovacionit
19/07/2018Aktiviteti i Ekonomiks, Banka, Financa dhe Sigurime në Akademinë Ndërkombëtare Verore është përmbyllur me një vizitë studimore të kryer nëpër disa nga bankat e Kosovës.
Pjesëmarrësit kanë realizuar vizitë në BpB Bank dhe në ProCredit Bank, me ç’rast janë pritur nga zyrtarët e këtyre bankave, të cilët i njoftuan me organizimin e tyre, mënyrën e funksionimit, si dhe për mundësitë e punësimit për studentet e rinj.
Gjatë vizitës pati edhe diskutime me studentët, që ishin të interesuar të marrin informata rreth praktikave të këtyre bankave në aspekte të ndryshme të funksionimit të tyre.
Përderisa kjo akademi u përmbyll, punimet i ka nisur Akademia Verore në Ndërmarrësi dhe Financa, hapjen e të cilët e bëri rektori i UBT-së, prof. dr Edmond Hajrizi, për të vazhduar më tutje me ligjëratën e profesorit Englebert Selenko.