![](https://www.ubt-uni.net/wp-content/uploads/2018/07/37252249_1936118906439371_8835838658155118592_n-Medium-768x511.jpg)
Nisi ANV-ja e Psikologjisë, Rezilenca ishte temë bosht e ditës së parë
24/07/2018Filloi aktivitetin e vet Akademia Ndërkombëtare Verore e Psikologjisë, që këtë vit po organizohet për herë të parë nga Qendra Këshilluese për Studentë e UBT-së.
Tema që shënoi hapjen e kësaj akademia ishte “Rezilenca”, për të cilën ligjëruan disa ekspertë të kësaj fushe, duke i përfshirë në diskutim edhe dhjetëra pjesëmarrës të kësaj akademie.
Hapjen e kësaj akademie e bëri psikologia dhe udhëheqësja e Qendrës Këshilluese për Studentë e UBT-së, Vjollca Pllana-Shahini, e cila e sqaroi në terma të gjerë domethënien e rezilencës dhe mënyrën se si arrihet deri tek ajo.
Në ligjëratën pasuese ligjëroi ligjëruesja në UBT, Violeta Zefi, e cila kryesisht u fokusua në faktorët kërcënues të këtij koncepti, si: stresi kronik dhe ngjarjet madhore jetësore.
Aktiviteti i ditës së parë në kuadër të kësaj ANV-je u përmbyll me një ligjëratë interaktive, të mbajtur nga profesori Dashamir Bërxulli, i cili zgjoi diskutim rreth luftës dhe çrregullimeve mendore në reziliencë.
Kjo akademi do ta vazhdojë aktivitetin e vet nesër, me fillim nga ora 10:00.