![](https://www.ubt-uni.net/wp-content/uploads/2019/07/66346575_1105296562994459_6899120243759644672_n-768x189.jpg)
Nis punimet Akademia e Infermierisë, Stomatologjisë dhe Farmacisë
09/07/2019Mbi 100 pjesëmarrës, studentë, infermierë, stomatologë, farmacistë, morën pjesë në hapjen edicionit të sivjetmë të Akademisë Ndërkombëtare Verore të Stomatologjisë, Farmacisë dhe Infermierisë.
Hapjen e kësaj akademie e ka bërë dekani i Fakultetit të Infermierisë, prof.dr Fitim Alidema, i cili u tregoi pjesëmarrësve temat që do trajtohen dhe në përgjithësi aktivitetet që do të zhvillohen përgjatë disa ditëve në këtë shkollë verore.
Akademia e Infermierisë, Stomatologjisë dhe Farmacisë filloi me ligjëratën e profesorit në UBT, Dukagjin Sokoli, i cili ka shtjelluar ligjëratat me tema: “Metodat Sasiore të Hulumtimit në Shëndetësi” dhe “Metodat Cilësore të Hulumtimit në Shëndetësi”.
Akademia e Infermierisë ka vazhduar aktivitetin e vet ndaras me ligjëratën për Rolin e Infermierisë dhe Kardiologjisë, nga profesori Regjep Gjyliqi, njëherësh drejtor në Spitalin e Mileniumit.
Tutje, në ANV-në e Infermierisë ka ligjëruar drejtori i Spitalit të Ferizajt, Jeton Zeqiri, njëherësh ligjërues në UBT, ku ka prezantuar temën: “Roli i Infermierit në Spitalin e Ferizajt”.
Akademia e Farmacisë ka vijuar punimet me ligjëratën e Zafer Gashi, i cili ka ligjëruar temën: “Metodat e frytnimit të asistuar mjekësor – IVF”. Ai ka folur për standardet e këtyre shërbimeve në mënyrë që të jenë të sigurta dhe profesionale.
“Definimi i proceseve të reimbursimit të barnave dhe kushtet e kontraktimit të barnatoreve komunitare në Kosovë”, ishte tema që prezantoi profesori në UBT, Arianit Jakupi.
Akademia e Stomatologjisë ka vijuar punimet me përfaqësuesit e Spitalit Sirona, të cilët prezantuan punën dhe shërbimet që ofron spitali në fushën e stomatologjisë.