Në mesin e 106 shteteve UBT po e përfaqëson Kosovën në konkursin ndërkombëtar INSPIRELLI AWARDS
11/03/2021Edhe Kosova, falë UBT-së, po përfaqësohet denjësisht në konkursin ndërkombëtar “INSPIRELLI AWARDS”, e cila organizohet në Pragë, në mesin e 106 shteteve.
Studentët e Fakultetit të Arkitekturës dhe Planifikimit Hapësinor janë pjesë e kësaj gare me shumë punime innovative.
Ekspozita e punimeve të zgjedhura do të ofrohen online dhe në galeritë e partnerëve të përzgjedhur për popullatën dhe komunën e Ouagadougou, kryeqyteti i Burkina Faso dhe qendra administrative, komunikuese, kulturore dhe ekonomike e kombit, për të eksploruar, për të mësuar, për t’u frymëzuar dhe për të përjetuar rehabilitimin e qëndrueshëm futuristik si një mjet elastik konstruktiv i qytetit.
INSPIRELI AWARDS është konkursi më i madh botëror i studentëve në Arkitekturë, Dizajnit Urban të Peizazhit, dhe Dizajnit të Enterierit, i cili mundëson prezantimin dhe shfaqjen e talentit të arkitektëve të së ardhmes nga mbarë globi.