![](https://www.ubt-uni.net/wp-content/uploads/2018/05/Durres-3.jpg)
Në durrës nis punimet Konferenca Ndërkombëtare për Stabilitet, Teknologji dhe Kulturë “TECIS 2016”
26/10/2016E hapur nga rektori i UBT-së, prof.dr. Edmond Hajrizi, i cili po vazhdon ta drejtojë edhe sesionin e parë shkencor, sot në Durrës, ka filluar Konferenca Ndërkombëtare për Stabilitet, Teknologji dhe Kulturë “TECIS 2016”. Konferenca është bashkorganizuar nga UBT (University for Business and Teknology) , UT – Wien (Vienna University of Technology), Ka – Caze (Kosova Asotiation for Control Automationand Systems Egs) etj. Pos rektorit të UBT-së Hajrizi, fillimin e punimeve të konferencës i kanë përshëndetur edhe përfaqësuesit e tjerë të panelit: Peter Kopacek e Larry Stapleton nga Universiteti i Teknologjise në Vjenë, përkatësisht Instituti Teknologjik Waterford në Vjenë, si dhe Kozeta Sevrani, përfaqësuese e Universitetit të Tiranës. Rektori i UBT-së, prof.dr. Edmond Hajrizi, gjatë punimeve të Konferencës, e cila do të përfundojë më 28 tetor, në sesione të ndara, do të paraqitet me disa punime shkencore, që lidhen me teknologjinë më të re. Njëra nga temat e tij është “Smart Solution for Smart Faktoty”. Me punime shkencore, kryesisht në fushën e biznesit, teknologjisë dhe inovacionit, do të paraqiten edhe studiues të tjerë nga UBT-ja, nga rajoni, Evropa dhe më gjerë.