Ish-studenti i UBT-së, Aridon Lakna, themelues dhe pronar i kompanisë “Papirus Group”
22/11/2024Ish-studenti i Fakultetit të Arkitekturës dhe Planifikimit Hapësinor në UBT, Aridon Lakna, menjëherë pas studimeve ka krijuar kompaninë e tij “Papirus Group”, që ofron shërbime të avancuara në projektimin, mbikëqyrjen dhe enterierin në Kosovë.
Kompania e tij ka për qëllim të sjellë një qasje të re në fushën e arkitekturës duke përdorur praktika bashkëkohore dhe teknologji të qëndrueshme. Kompania synon të krijojë projekte inovative dhe funksionale, duke e çuar industrinë e arkitekturës në një nivel të ri.
Për Aridonin, e gjithë kjo arritje është një reflektim i përgatitjes dhe edukatës që mori gjatë studimeve në UBT. Si një student i angazhuar, ai ka përfituar nga njohuritë e thelluara, praktikat e avancuara dhe mbështetja e vazhdueshme nga stafi i UBT-së, të cilat kanë luajtur një rol kyç në formimin e tij profesional dhe janë bazë për suksesin e tij aktual.
“Arsimi është baza e çdo suksesi. Ajo që kam mësuar në UBT më ka dhënë mundësinë të ndërtoj diçka të veçantë dhe të qëndrueshme, si Papirus Group, një hap në të ardhmen e arkitekturës”, tha Aridon Lakna.
Aridoni inkurajon studentët e tanishëm që të besojnë në potencialin e tyre dhe të shohin arritjet e ish-studentëve si një dëshmi të mundësive që edukimi i ofron. Ai gjithashtu shpreh mirënjohjen për mbështetjen e UBT-së dhe nënvizon rëndësinë e formimit akademik në realizimin e synimeve profesionale.
Rrugëtimi i Aridon Laknës dhe kompanisë së tij, është një dëshmi e suksesit që mund të arrihet kur edukimi, përkushtimi dhe pasioni bashkohen.