![](https://www.ubt-uni.net/wp-content/uploads/2019/04/58372563_355681501731721_2743977927363264512_n-768x402.jpg)
Ekspertët turq të stomatologjisë, prezantuan në UBT implantologjinë dentare
25/04/2019Drejtori ekzekutiv i kompanisë turke, “Mode Implant”, Oguz Akyuz, së bashku me profesorin Ugur Meric, në cilësinë e ekspertëve dentarë, për herë të parë në Kosovë kanë prezantuar sektorin e implantologjisë dentare, prodhimin e produkteve përkatëse me teknologjinë e fundit dhe pajisjet që përdoren në këtë sektor.
Për studentët, stafin e Fakultetit të Stomatologjisë dhe për të interesuarit tjerë, profesori Meric ka mbajtur ligjëratë tematike në Kampusin Inovativ të UBT-së, në Lipjan, ku edhe ka trajtuar temën: “Autogenous bone in daily practice. Getting the golden standard back to work”.
Meric ka prezantuar njohuritë profesionale dhe eksperiencat e fituara në kirurgjinë orale dhe implantologjinë.
Më pas, Akyuz ka bërë të ditur se akademia të cilën ai e përfaqëson është e interesuar të lidh memorandum mirëkuptimi me UBT-në, në mënyrë që me institucionin të bashkëpunohet për të zhvilluar sektorin e implantologjisë dentare edhe në Kosovë.
Ai tha se përfaqësues të kësaj akademie së shpejti do të vijnë në UBT për nënshkrimin e kësaj marrëveshjeje, nga e cila do të përfitojnë profesionalisht edhe studentët e Fakultetit të Stomatologjisë në UBT.