![](https://www.ubt-uni.net/wp-content/uploads/2018/10/45022168_10156122882929387_4948834212359700480_n-768x576.jpg)
Eksperti Denis Gafuri u ligjëron studentëve të UBT-së mbi mjeshtërinë e shitjes
31/10/2018Eksperti dhe trajneri për shitje, njëherësh pronar i kompanisë për shitje online, “Smard Online”, mbajti ligjëratë tematike për studentët e vitit të tretë në Fakultetin e MBE-së në UBT.
Ligjërata u mbajt në kuadër të trajnimit “Mjeshtëria e shitjes”.
Në ligjëratën “Mjeshtëria e shitjes duke ndërtuar raport me klientin dhe vendosja e objektivave”, Gafuri tregoi mbi specifikat që e bëjnë të suksesshëm një ekspert të shitjes, rëndësinë e ndërtimit të raportit të mirë me klientët, si dhe sqaroi vlerën që ka vendosja e objektivave për të arritur shitje më të madhe të produkteve.
Denis Gafuri konsiderohet si një ndër ekspertët më të mirë kosovarë për shitje dhe i njëjti me kërkesë të kompanive të ndryshme trajnon stafin e tyre për efektivitet në shitje dhe marketing.