Diskutime mbi diplomacinë ndërkombëtare dhe sigurinë kombëtare u zhvilluan në kuadër të Akademisë Verore të Shkencave Politike dhe të Studimeve të Sigurisë në UBT

24/07/2023

Akademia Verore e Shkencave Politike dhe të Studimeve të Sigurisë në UBT përfundoi suksesshëm aktivitetet e parapara për këtë vit në kuadër të Festivalit më të madh të dijes dhe shkencës Global UBT Fest 2023.

Akademia Verore ka ofruar një platformë të rrallë për të diskutuar dhe analizuar tema të rëndësishme, duke përfshirë diplomacinë ndërkombëtare, sigurinë kombëtare dhe rolin e mediave në parandalimin e konflikteve dhe ndërtimin e paqes.

Temat kryesore që u trajtuan përgjatë ditëve të Akademisë Verore të Shkencave Politike dhe të Studimeve të Sigurisë ishin:

• “Diplomacia Ndërkombëtare dhe Siguria Kombëtare – Media për Parandalimin e Konflikteve dhe Ndërtimin e Paqes: rasti i EULEX Kosovë” – Elisabetta Iurcev, Zëvendësdrejtoreshë e Zyres së Shtypit dhe Informacionit Publik, EULEX, Kosovë;
• “Nga Rend i Ri Botëror deri te Ngritja e Eurazisë: Strategjitë Kryesore të Shteteve të Bashkuara në Erën Pas Luftës së Ftohtë” (online) – Dr. Gökhan Telatar, Fakulteti i Ekonomisë dhe Shkencave Administrative, Universiteti i Bolu Abant Izzet Baysal, Bolu, Turqi;
• “Ndarja e Grupit të Punës midis Studentëve: Grupi i Diplomacisë Ndërkombëtare dhe Grupi i Sigurisë” – Dr. Hajdi Xhixha, Zëvendëskryetar i Departamentit të Shkencave Politike dhe Studimeve të Sigurisë, UBT;
• “Marrëdhëniet Ukrainë – Rusi, Lufta në Ukrainë, aktualiteti dhe të ardhmen” – Dr. Alina Nychyk, Pjesëtar Kërkues Nderi në Universitetin e Manchesterit, Liudmyla Makei, gazetare ukrainase në Kosovë;
• “Arsimi Qytetar si Imperativ për Sigurinë Kombëtare” – Çmimi i Nderit për Dr. Judithanne Scourfield McLauchlan – Dr. Judithanne Scourfield McLauchlan, Universiteti i Floridës së Jugut, Prof. Dr. Edmond Hajrizi, Rektor i UBT;
• “Vijimi i Grupit të Punës” – Dr. Hajdi Xhixha, Zëvendëskryetar i Departamentit të Shkencave Politike dhe Studimeve të Sigurisë, UBT;
• “Roli i NATO-s në Diplomacinë Ndërkombëtare dhe Lidhja e tij me Sigurinë Kombëtare” – Znj. Lone Kjelgaard, NATO HQ në Kosovë;
• “Diskutim me studentët” – Dr. Judithanne Scourfield McLauchlan, Universiteti i Floridës së Jugut;
• “Shpërndarja e Certifikatave” – Dr. Hajdi Xhixha, Zëvendëskryetar i Departamentit të Shkencave Politike dhe Studimeve të Sigurisë, UBT.

Akademia Verore e Shkencave Politike dhe të Studimeve të Sigurisë në UBT tregoi angazhimin e lartë të universitetit për të shpërndarë dije dhe krijuar një platformë për reflektim dhe diskutim në këto fusha të rëndësishme. Ky event solli njohuri të rëndësishme dhe frymëzim për studentët e pranishëm dhe kontribuoi në thellimin e kuptimit të sfidave aktuale ndërkombëtare dhe rolin e sigurisë kombëtare.