Biblioteka e UBT-së: Hapësira ideale për studim dhe kërkime
23/01/2025Për të gjithë dashamirët e librit, dijes dhe shkencës, UBT ka krijuar një hapësirë të veçantë ku tradita e librit ndërthuret me teknologjinë moderne. Biblioteka e UBT-së është vendi ideal për të lexuar, studiuar dhe eksploruar botën e pafundme të dijes.
Me më shumë se 250 mijë libra fizikë dhe 52 mijë tituj elektronikë, biblioteka e UBT-së ofron një koleksion të pasur në fusha të ndryshme si shkenca, teknologjia, arti, arkitektura, ekonomia dhe shumë të tjera. Titujt janë të disponueshëm në gjuhën shqipe, angleze, gjermane dhe serbe, duke i bërë burimet e saj të qasshme për një audiencë të gjerë lexuesish.
Lexim në çdo formë: Biblioteka ka hapësira të rehatshme për lexim dhe studim, ndërsa falë digjitalizimit, ajo ofron akses në platforma prestigjioze si EBSCO, SAGE Journals dhe J-Store. Kjo i mundëson studentëve dhe studiuesve të kenë burime cilësore vetëm me një klikim.
