Akademia Verore e Psikologjisë mblodhi studentë nga të gjitha vendet dhe kulturat

16/07/2024

Akademia Verore e Psikologjisë, në kuadër të Global UBT Fest, ka mbledhur studentë nga të gjitha vendet dhe kulturat. Kjo ngjarje, jo vetëm që promovon diversitetin kulturor por gjithashtu ofron një platformë për studentët që të shfaqin talentet e tyre unike.

Një nga momentet më të veçanta të Akademisë Verore të Psikologjisë është edhe pjesëmarrja e Organizatës The F’ODA, e cila ka organizuar Samitin e sivjetmë “By GIRLS, FOR GIRLS”, një ngjarje e cila mblodhi gra të suksesshme në vend dhe botë.

Në kuadër të këtij samiti u diskutua rreth temës: “Rëndësia e edukimit për shëndetin riprodhues tek të rinjtë”, një çështje që do t’i ndihmojë të rinjtë për të ardhmen.

Përgjatë kësaj akademie pjesëmarrës ishin edhe studentët e departamentit të psikologjisë: Kosovare Hamiti, Shqipe Shala, Klea Vezaj si ambasadore të organizatës.

Në këtë ngjarje morën pjesë edhe Ministrja e Punëve të Jashtme dhe Diasporës, Donika Gërvalla, Ministrja e Drejtësisë, Albulena Haxhiu, si dhe staf dhe profesoresha të UBT-së.

Pjesëmarrësit diskutuan, dhanë mendimet e tyre të ndryshme dhe unike duke e bërë këtë organizim më të veçantë.