![](https://www.ubt-uni.net/wp-content/uploads/2018/05/24909856_1680904245294173_1647932289542089254_n-2-768x526.jpg)
Studentët e UBT-së vizitojnë Qytetin e Dritave
11/12/2017
Turi i vizitës nëpër Evropë, i organizuar nga UBT për studentët e vet, po vazhdon me vizitën e realizuar në shtetin e Francës, konkretisht në Paris, me qëllim të përfitimit të njohurive të reja mbi fushën e arkitekturës, ndërtimtarisë, artit e kulturës që ndodhet në këtë qytet.
Ata fillimisht vizituan “Pasage of the Paris” që është një pasazhi dhe shembulli më i vjetër i një qendre tregtare që posedon vlera të mëdha arkitekturore.
Vizita në Paris vazhdoi në “Champs Elysees”, një rrugë e njohur për teatrot e saj, kafenetë dhe dyqanet e luksit dhe për paradën ushtarake, pastaj ata vizituan edhe “Eiffel Tower”, ikonën globale kulturore të Francës dhe një nga strukturat më të njohura në botë, si dhe “Notre-Dame de Paris”, ose ndryshe siç quhet edhe “Zonja e Parisit”, që është një katedrale katolike me arkitekturën e hershme romane. Tutje, ata realizuan vizitë në “École des Beaux-Arts”, si shkolla më me ndikim e artit në Francë.
UBT, si institucion që ndërlidh anën teorike me anën praktike, edhe në vazhdim do të organizojë aktivitete me qëllim të përfitimit të njohurive rreth fushave të ndryshme.