![](https://www.ubt-uni.net/wp-content/uploads/2018/05/DSC_0664-11july-3-768x512.jpg)
Endrit Xhemajli ligjëron për studentët e SHKI-së në ANV
11/07/2017Fakulteti i Shkencave Kompjuterike dhe Inxhinierisë në UBT, në kuadër të Akademisë Ndërkombëtare Verore, ka vazhduar me ciklin e ligjëratave dhe punëtorive.
Për gjithë pjesëmarrësit, përfaqësuesi i “Zombie Soup” njëherësh edhe zhvillues i lojërave, Endrit Xhemajli ka ligjëruar për interface-in e Unity, si dhe paraqitjen e objekteve në formatin 3D.
Përveç kësaj, Xhemajli ka mbajtur edhe tutorialin Roll-a-Ball, ndërkohë u ka shpjeguar pjesëmarrësve edhe procesin e krijimit të lojërave, si dhe zhvillimin e tyre.
Në fund të këtij aktiviteti, janë dorëzuar edhe projektet të cilat janë punuar në mënyrë ekipore dhe më pas është diskutuar rreth tyre. Projektet janë si rezultat i asaj që është praktikuar e ligjëruar në kuadër të punimeve të ANV-së.
Në ditët e ardhshme, respektivisht deri më 19 korrik, do të vazhdojë tutje punimet Akademia Ndërkombëtare Verore në Fakultetin e Shkencave Kompjuterike dhe Inxhinierisë në UBT, në kuadër të së cilës do të këtë ligjërues të fushave të ndryshme.