![](https://www.ubt-uni.net/wp-content/uploads/2018/05/DCIM-20100702010000001111-4.png)
Studentët e UBT-së njihen me aspektet ligjore në sektorin e ndërtimit
07/02/2017Studentët e fakultetit të Inxhinierisë së ndërtimit në UBT, dëgjuan ligjëratë tematike më titull “Ligjet e prokurimit në sektorin e ndërtimtarisë”, ligjëruar nga Enkeleda Bega, profesoreshë nga Shqipëria, njëherësh edhe njohëse e aspekteve ligjore në sektorin e ndërtimit.
Ndër tjerash, gjatë kësaj ligjërate, studentët mësuan më tepër mbi aspektet ligjore, në të cilat bazohen tenderimet dhe llogaridhëniet e ndërtuesve ndaj institucioneve, si një element i rëndësishëm për realizimin e çfarëdo lloji të ndërtimit dhe shërbimit, që duhet të bëjnë inxhinierët dhe kompanitë e tyre.
E tërë ligjërata u bazua në shembuj praktikë dhe në përvojë, të cilën Bega e ka marrë gjatë punës disavjeçare në këtë sektor, në Kosovë dhe Shqipëri.