![](https://www.ubt-uni.net/wp-content/uploads/2018/05/DCIM20162411000000222-3-768x576.jpg)
Ftesë për ligjëratë tematike nga profesori Daniel Bernard
24/11/2016Universiteti për Biznes Teknologji (UBT), në Prishtinë, më 25 nëntor 2016 (e premte), duke filluar nga ora 13:00, do të jetë nikoqire e një ligjërate tematike, organizuar nga Shoqata e Miqësisë Franko-Shqiptare, e cila udhëhiqet nga presidenti Tahir Shabani.
Temë e ligjëratës është: “Një qasje gjithëpërfshirëse për mediat lokale dhe kombëtare”, që i përket fushës së gazetarisë, ndërsa do të ligjërojë profesori dhe personaliteti i njohur nga Gjeneva, z. Daniel Bernard.
Ligjërata do ta zgjasë një orë, derisa 20 deri në 30 minuta, pritet të zhvillohet debat, duke u fokusuar kryesisht në çështjet që lidhen me diplomacinë kulturore, publike, ekonomike, parlamentare, si dhe rreth lobimit për Kosovën për anëtarësim në OKB dhe në organizata të tjera ndërkombëtare, në Gjenevë e Bruksel. (foto nga arkivi i UBT-së).