UBT-ja e kalon fazën e parë të akreditimit për shkolla të reja profesionale
13/04/2016UBT-ja e ka kaluar fazën e parë të akreditimit për shkolla të reja profesionale: Asistent administrativ e Teknologjia informative dhe komunikimi.
Kompletimin e dokumenteve nga UBT-ja për akreditim e ka pohuar vetë përfaqësuesi i ekipit të Agjencisë së Kosovës për Akreditim (AKA), Avni Gashi.
“Faza e parë – kompletimi i dokumentacionit është shumë në rregull”, ka thënë ai, gjatë takimit me Rektorin e UBT-së, prof.dr. Edmond Hajrizin dhe me ekipin e ekspertëve të UBT-së.
Me dy ekipe, të mërkurën, AKA-ja ka filluar fazën e dytë të procesit të akreditimit në UBT, që është vizita e ekspertëve të Autoritetit Kombëtar të Kualifikimeve për verifikimin e gjendjes faktike në përputhje me Raportin e vetëvlerësimit.
Autoriteti Kombëtar i Kualifikimeve është institucion publik për vlerësimin e kapaciteteve rreth ofrimit të certifikimit të kandidatëve për akreditim të shkollave profesionale.