UBT organizon kursin e parë për Europrojekte në Parlamentin Evropian
17/03/2025UBT, në bashkëpunim me Urdhrin Kombëtar të Kontabilistëve të Sertifikuar të Italisë dhe mbështetje nga institucione të tjera ndërkombëtare, do të organizojë kursin e parë për Europrojekte brenda Parlamentit Evropian.
Me mbështetjen edhe të eurodeputetit Alberico Gambino, ky kurs do të ofrojë mundësi trajnimi për specialistë të rinj të Europrojekteve, me një fokus të veçantë për Italinë dhe Jugun e Italisë.
Kursi, i cili është i financuar nga vetë organizatorët, do të ofrojë një certifikatë përfundimtare universitare dhe do të mundësojë zhvillimin e aftësive për të mbështetur shtete të ndryshme në përfitimin nga burimet financiare që Evropa ofron për SME-të, institucionet publike, shoqatat dhe më shumë.
Pjesëmarrësit do të kenë mundësinë të trajnohen dhe të njohin më shumë për mundësitë që ofron Bashkimi Evropian për projektet ndërkombëtare. Kursi mbështetet gjithashtu nga ITA-ICE, Flavio Boccia & Partners, ABCorporation, Nexumstp, Eurocogit, IC&Partners dhe Zyrën Ligjore Boccia & Partners, dhe është një mundësi për studentët e UBT-së dhe profesionistët që dëshirojnë të zhvillojnë karrierën e tyre në fushën e menaxhimit të projekteve ndërkombëtare.
Për më shumë informacion dhe për të aplikuar, interesuarit mund të dërgojnë aplikimin në adresat e postës elektronike: info@flaviobocciapartners.com dhe UBTcorsoeuroprogettazione@gmail.com.