Dr. Pashko Camaj dhuron librat e tij për bibliotekën e UBT-së
31/01/2025Rektori i UBT-së, Prof. Dr. Edmond Hajrizi, mirëpriti në Parkun Shkencor, Inovativ dhe Teknologjik të UBT-së në Lipjan sekretarin e Federatës Panshqiptare “Vatra”, Dr. Pashko Camaj, një figurë e shquar e diasporës shqiptare në Shtetet e Bashkuara të Amerikës.
Gjatë këtij takimi, Dr. Camaj dhuroi për bibliotekën e UBT-së disa kopje të librave të tij, “Porosia e kullës” dhe “Dreaming from the Trunk of an American Car”, të cilat sjellin një rrëfim të thellë mbi identitetin, rrugëtimin e diasporës dhe sfidat e integrimit në mjediset e reja.
Rektori Hajrizi shprehu mirënjohjen për këtë kontribut të vlefshëm dhe vlerësoi punën e palodhur të Dr. Camajt në ruajtjen e kulturës dhe identitetit shqiptar përmes angazhimit të tij akademik dhe intelektual. Ai theksoi se ky bashkëpunim është një shembull i shkëlqyer i lidhjeve të forta ndërmjet UBT-së dhe diasporës shqiptare, duke thelluar bashkëpunimin në fusha të ndryshme të dijes dhe kulturës.