Ish-studentja e Media dhe Komunikimit, Argjentina Shala, punësohet në agjencinë e lajmeve Kosova Press
16/12/2024Argjentina Shala, ish-studente e programit Media dhe Komunikim, ka arritur të punësohet në agjencinë e njohur të lajmeve, Kosova Press. Pas përfundimit të studimeve, ajo ka shfrytëzuar mundësitë praktike për të zhvilluar aftësitë e saj gazetareske dhe tani kontribuon me sukses në fushën e lajmeve dhe komunikimit.
Argjentina tregon se angazhimi i saj në Kosova Press është një mundësi për të zbatuar ato që ka mësuar gjate studimeve, duke pasuruar përvojën e saj dhe duke dhënë kontribut të vlefshëm në fushën e lajmeve dhe komunikimit. Ajo është e njohur për aftësitë e saj të shkëlqyera në mbledhjen dhe prezantimin e lajmeve, intervistave si dhe për angazhimin në krijimin e përmbajtjeve cilësore që ndihmojnë në informimin dhe edukimin e audiencës kosovare.
“Studimet në Media dhe Komunikim më ndihmuan të kuptoj fuqinë e informacionit dhe rëndësinë e një gazetarie të përgjegjshme. Përvoja ime në UBT ishte një hap i rëndësishëm që më mundësoi të hyj në këtë fushë dhe të jem pjesë e Kosova Press”, tha Argjentina.
Historia e suksesit e Argjentinës është një shembull i mundësive që ofron studimi në fushën e medias dhe komunikimit dhe se si mund të arrini sukses përmes angazhimit të përhershëm, punës dhe pasionit për gazetari dhe komunikim. Ajo tregon se është e mundur që pas studimeve të bëhesh një profesionist i suksesshëm në një agjenci prestigjioze lajmesh, dhe ky është vetëm fillimi për Argjentina, e cila ka një të ardhme të ndritur përpara.