Rektori, Prof. Dr. Edmond Hajrizi dhe UBT vazhdojnë të udhëheqin në industrinë 4.0 përmes aleancave më të mëdha universitare evropiane
03/12/2024Rektori i UBT-së, Prof. Dr. Edmond Hajrizi, dhe UBT, kanë shënuar një tjetër arritje të rëndësishme si pjesë e Këshillit Këshillues të Biznesit në kuadër të aleancave më të mëdha universitare evropiane. Këto aleanca kanë në fokus zhvillimin e strukturave të nevojshme për Industrinë 4.0 dhe promovimin e modelit të të mësuarit të dyfishtë, ku universitetet dhe bizneset bashkëpunojnë ngushtë për të mbështetur proceset mësimore dhe të ardhmen e studentëve.
Kjo iniciativë synon të pajisë studentët me aftësi dhe njohuri të harmonizuara me nevojat e tregut global të punës, duke i përgatitur ata për sfidat dhe mundësitë e një shoqërie të digjitalizuar dhe të inovuar.
Përmes këtij angazhimi, UBT dhe Prof. Dr. Hajrizi jo vetëm që demonstrojnë vizionin e tyre për arsim cilësor dhe të lidhur me industrinë, por edhe udhëheqin në krijimin e modeleve që mbështesin inovacionin dhe përgatitjen për të ardhmen.
UBT mbetet një shembull i shkëlqyer për lidhjen e arsimit me biznesin, duke krijuar ura bashkëpunimi që sigurojnë suksesin e gjeneratave të ardhshme.