UBT mirëpret studentët fitues të Garës Ndërkombëtare në Ditën e Erasmusit
05/11/2024Studentët fitues të garës ndërkombëtare “Elegants – Call for Business Idea in Digital Transformation” janë mirëpritur në UBT, në kuadër të ditës së Erasmusit, ku u nderuan për arritjen e tyre të jashtëzakonshme dhe përfaqësimin dinjitoz të Kosovës në arenën ndërkombëtare.
Gjatë ceremonisë së organizuar, drejtuesit e UBT-së, profesorë dhe studentë të tjerë, përfaqësuesja e Zyrës së Erasmus+ në Kosovë, përgëzuan ekipet fituese për përkushtimin, kreativitetin dhe vizionin e tyre në fushën e transformimit digjital. Kjo arritje e rëndësishme jo vetëm që pasqyron punën dhe dedikimin e studentëve, por gjithashtu dëshmon standardin e lartë të përgatitjes që UBT ofron për studentët e saj në fusha inovative.
