Vizitë nga Universiteti IMC i Austrisë në Parkun Shkencor Inovativ të UBT-së
04/11/2024Përfaqësues nga Imc University of Applied Sciences Krems i Austrisë zhvilluan një vizitë të rëndësishme në Parkun Shkencor Inovativ të UBT-së, ku u mirëpritën nga Rektori i UBT-së, Prof. Dr. Edmond Hajrizi. Kjo vizitë ka synuar forcimin e bashkëpunimit akademik dhe profesional ndërmjet dy institucioneve për zhvillimin e turizmit dhe menaxhimin e sektorit të gastronomisë në Kosovë.
Gjatë takimit, Rektori Hajrizi dhe specialistët nga IMC diskutuan rreth projekteve të përbashkëta për ndërtimin e infrastrukturës moderne dhe përmirësimin e programeve në fushat e turizmit, menaxhimit të hoteleve dhe shërbimeve gastronomike. Ky bashkëpunim pritet të sjellë inovacione dhe praktika të suksesshme nga Austria, duke kontribuar në zhvillimin e turizmit dhe ngritjen e standardeve të mikpritjes dhe shërbimit në Kosovë.
UBT, përmes Fakultetit të Turizmit, ofron një platformë të rëndësishme për të rinjtë që dëshirojnë të avancohen profesionalisht dhe të aplikojnë njohuritë më të fundit në këtë industri. Bashkëpunimi me universitetin IMC i hap studentëve dhe stafit të UBT-së mundësi të reja për shkëmbime akademike, trajnime praktike dhe përvetësimin e metodave bashkëkohore që përmirësojnë aftësitë e tyre dhe kontribuojnë në ekonominë e Kosovës.
