Kampionet me Liderin

09/10/2024

UBT priti me krenari kampionet olimpike, duke shënuar një moment të rëndësishëm për institucionin. Rektori i UBT-së, Prof. Dr. Edmond Hajrizi ka mirëpritur medalistet olimpike në xhudo, Distria Krasniqi, Laura Fazliu dhe trajnerët, Driton Kuka dhe Majlinda Kelmendi, në Qytetin e Mençur të UBT-së, në Lipjan.

Rektori Hajrizi përgëzoi ekipin e Kosovës për arritjet e tyre të jashtëzakonshme në xhudo, duke nënvizuar angazhimin e UBT-së për të promovuar ekselencën në performancë dhe sport, si dhe për të rritur bashkëpunimin ndërmjet kampionëve dhe liderit në arsim.

Rektori Hajrizi inkurajoi të gjithë studentët që të ndjekin shembujt e këtyre kampionëve, të cilët kanë treguar se me punë të palodhur dhe përkushtim çdo qëllim mund të arrihet.

Trajneri Driton Kuka njoftoi vazhdimin e bashkëpunimit të fuqishëm me UBT-në, i njohur si universiteti kampion i performancës!