Ish-studenti i Fakultetit të Ndërtimtarisë dhe Infrastrukturës në UBT po ndjek studimet master në universitetin më prestigjioz në Turqi
31/07/2024Erlind Krusha, ish-student i Fakultetit të Ndërtimtarisë dhe Infrastrukturës në UBT pasi përfundoi me sukses studimet e tij në UBT, Erlindi fitoi bursën prestigjioze “Türkiye Scholarships” duke vazhduar studimet master në qytetin Eskişehir të Turqisë. Aty, ai u specializua në drejtimin e strukturës (konstruktive) në fushën e menaxhimit të ndërtimit.
“Studimet në UBT më kanë ofruar një themel të fortë akademik dhe profesional, duke më ndihmuar të zhvilloj aftësi të rëndësishme dhe të përgatitem për sfidat e ardhshme në fushën e ndërtimit dhe menaxhimit të ndërtimit”, tha ish- studenti Erlind Krusha.
Gjatë periudhës së tij të studimeve master, Erlindi tregoi përkushtim të madh dhe arriti rezultate të shkëlqyera. Me përfundimin e studimeve, ai ka punuar në disa projekte të rëndësishme, duke kontribuar në vizatimin e detajeve të ndryshme strukturore. Përvoja e tij në fushën e menaxhimit të ndërtimit dhe aftësitë e tij teknike e kanë bërë atë një profesionist të kërkuar në industrinë e ndërtimit.
Erlind Krusha është një shembull frymëzues për të gjithë studentët e UBT-së dhe të rinjtë që synojnë të arrijnë sukses në fushën e ndërtimit dhe infrastrukturës. Mbështetja dhe udhëzimet e marra gjatë studimeve të tij në UBT kanë luajtur një rol të rëndësishëm në formimin e tij profesional dhe akademik.