UBT është akreditua si qendër e trajnimit dhe certifikimit për ITIL
24/07/2024UBT akreditohet si qendër trajnimi dhe certifikimi për ITIL nga organizata ndërkombëtare PeopleCert. Kjo arritje e rëndësishme e pozicionon UBT-në në një rol kyç për ofrimin e trajnimeve dhe certifikimeve të njohura globalisht në fushën e menaxhimit të shërbimeve të IT.
Akreditimi nga PeopleCert vjen si rezultat i përkushtimit dhe standardeve të larta që UBT ka treguar në fushën e edukimit dhe trajnimit profesional. Me këtë akreditim, UBT do të ofrojë kurse dhe certifikime që ndihmojnë profesionistët e IT të zhvillojnë aftësitë e tyre në përputhje me standardet ndërkombëtare.
ITIL (Information Technology Infrastructure Library) është një metodologji e njohur ndërkombëtarisht për menaxhimin e shërbimeve IT, e cila ndihmon organizatat të përmirësojnë efektivitetin dhe efikasitetin e shërbimeve të tyre IT. Me ofrimin e trajnimeve dhe certifikimeve për ITIL, UBT synon të përgatisë studentët dhe profesionistët për sfidat moderne të industrisë së teknologjisë së informacionit.
UBT do të fillojë së shpejti ofrimin e trajnimeve dhe certifikimeve për ITIL, duke i ofruar mundësi për të gjithë ata që dëshirojnë të përmirësojnë aftësitë e tyre profesionale në fushën e menaxhimit të shërbimeve IT.