Qëllimet dhe Objektivat

Programi ka për qëllim të përgatisë arkitektë të aftë për identifikimin dhe analizën e problemeve arkitektonike, hartimin dhe zhvillimin e projekteve arkitektonike dhe shërbim për komunitetin në fushën profesionale duke marrë parasysh edhe çështjet e përgjithshme shoqërore dhe mjedisore.

Programi adreson edhe shkathtësitë për komunikim dhe shkëmbim të informacionit dhe të ideve. Programi gjithashtu përfshin aspektet inter-disiplinare që ndihmojnë studentët të transferojnë dhe të kontekstualizojnë kompetencat e tyre në fusha dhe në mjedise të ndryshme të punës, duke përfshirë shkathtësitë e punës ekipore dhe individuale.

Rezultatet e mësimit

Pas përfundimit të suksesshëm të programit, studenti duhet të jetë në gjendje të:

• Të kuptojë teknikat e projektimit dhe planifikimit
• Të kuptojë aspektet inxhinierike të projektit
• Të vlerësojë aspektet sociale, ekonomike dhe hapësinore të mjedisit përmes procesit të projektimit dhe planifikimit.
• Të komunikojë dhe interpretojë profesionalisht në nivele të ndryshme të audiencës
• Të ofrojë zgjidhje për problemet e ndërtimit, teknologjisë së ndërtimit dhe inxhinierisë që lidhen me arkitekturën dhe industrinë e ndërtimit.
• Kontribuojë në shkencë dhe kërkime në këtë fushë
• Të vlerësojë vlerat arkitektonike dhe urbanistike të njësive hapësinore-urbane.