Në ANV-në e Juridikut ligjërohet për krimet kibernetike dhe të telekomunikacionit

Në ANV-në e Juridikut ligjërohet për krimet kibernetike dhe të telekomunikacionit

Fakulteti Juridik i UBT-së, në kuadër Akademisë Ndërkombëtare Verore, ka vazhduar me ciklin e ligjëratave tematike, teksa sot është ligjëruar për sigurinë dhe krimet kibernetike.


Duke trajtuar këtë temë, menaxheri i UBT CERT, Atdhe Buja ka prezantuar krimet kibernetike që shfaqen më së shpeshti. Gjithashtu, ka folur edhe për metodat e operimit të tyre, ndërkohë ka theksuar nevojën për bashkëpunim e koordinim vendor dhe ndërkombëtar më gjitha institucionet relevante për mbrojtjen nga sulmet e tilla.


Në kuadër të kësaj ligjërate është prezantuar edhe puna që bën divizioni CERT në UBT, me ç’rast Buja ka përmendur edhe aktivitetet përgjatë 15 muajve që ka realizuar UBT-CERT.


Aktiviteti i ka vazhduar punimet me ligjëratën e profesorit në Fakultetin e Shkencave Kompjuterike në UBT, dr..Zhilbert Tafa, i cili ka ligjëruar temën: “Krimet e rrjetit dhe telekomunikacionit”, duke paraqitur rastet më të shpeshta të mashtrimeve telekomunikuese.

Ndërkohë studentët janë njoftuar edhe me ligjet përkatëse në vend dhe më gjerë, që aplikohen për këtë fushë.

Lajme